နေပြည်တော်တွင် အမျိုးသား အောင်ပွဲနေ့ကြီးကို ခြိမ့်ခြိမ့်သည်းသည်း ကျင်းပ လျက်ရှိသည်။ သို့သော် ထူးဆန်းသည်က ထိုပွဲတွင် လူ ဆို၍ ချိုကုပ်ဒူးကြီး တဦးသာ ပါပြီး တိရစ္ဆာန်များကိုသာ တွေ့ရလေသည်။ နေပြည်တော်သို့ ရောက်နေသော ဦးရုက္ခစိုးကြီးက မနေနိုင်မထိုင်နိုင် ချိုကုပ်ဒူးကြီးကို မေးခွန်းထုတ်လိုက်၏။
ရုက္ခစိုး။ ။ ဘယ်လိုလဲ ချိုကုပ်ဒူးကြီးရဲ့ အမျိုးသားအောင်ပွဲနေ့ ကျင်းပတာ လူလည်း မပါဘူး။ တိရစ္ဆာန်တွေချည်းပါလား။
ချိုကုပ်။ ။ ဟာ … ဒါ နှယ်နှယ်ရရ တိရစ္ဆာန်တွေ မဟုတ်ဘူးနော် ဦးရုက္ခစိုး။ အာဖရိကကနေ သေသေချာချာ မှာထားတဲ့ တိရစ္ဆာန်တွေ။
ရုက္ခစိုး။ ။ ဟုတ်ပါပြီ … ဘာလို့ တိရစ္ဆာန်တွေနဲ့ ပွဲကျင်းပနေလဲ ဆိုတာ ပြောစမ်းပါဦး။
ချိုကုပ်။ ။ ဦးရုက္ခစိုးရယ် ...။ နတ်ဖြစ်ပြီး ညံ့ရန်ကော။ လူက အာဏာဖီဆန်တာတို့၊ ငြင်းတာတို့၊ တောပြောတောင်ပြော ပြောတာတို့ လုပ်တတ်တယ်လေ၊ တိရစ္ဆာန်ဆိုတော့ ကိုယ် ပြောတဲ့အတိုင်း အကုန်နာခံတာ မဟုတ်ဘူးလား။
ရုက္ခစိုး။ ။ မနာခံတဲ့ တိရစ္ဆာန်ဆိုရင် ဘယ်လိုလုပ်မလဲဗျ။
ချိုကုပ်။ ။ အဲဒါဆိုလည်း သတ်စား၊ အဲ ချုပ်ထား … အင်း … သြော် နာခံအောင် ဖိအားပေးရမှာပေါ့ ဦးရုက္ခစိုးရဲ့။ ဒီလိုပဲပေါ့။
ပြောရင်း ချိုကုပ်ဒူးကြီးက ဖွတ်တကောင်၏ ကျောကို လက်ဖြင့် သပ်ပေးလိုက်သည်။
ရုက္ခစိုး။ ။ အမျိုးသား အောင်ပွဲနေ့က တကယ်ကို အကြီးအကျယ် ကျင်းပနေတာပဲနော်။ တခါမှ ဒီလောက် ကြီးကျယ်တဲ့ပွဲ မမြင်ဖူးဘူး။
ချိုကုပ်။ ။ ဒါက အတိတ်ကောင်း နိမိတ်ကောင်းလေ။ အမျိုးသား အောင်ပွဲနေ့ဆိုတာ အမျိုးသမီး အောင်ပွဲနေ့မှ မဟုတ်ဘဲ။ အမျိုးသားတွေ အောင်မြင်တဲ့ပွဲမို့လို့ အမျိုးသားအောင်ပွဲနေ့လို့ ခေါ်တယ်မဟုတ်လား ဦးရုက္ခစိုးကြီးရဲ့။
ချိုကုပ်ဒူးကြီးက ဇာတ်ထဲမှ လူရွှင်တော်များ၏ လေသံအတိုင်း တထေရာတည်း တူအောင် ပြောလိုက်သည်။
ရုက္ခစိုး။ ။ ဟာ မဟုတ်က ဟုတ်က … ကိုလိုနီနယ်ချဲ့ကို ကျောင်းသားတွေက စတင် သပိတ်မှောက်တဲ့ နေ့ကို အမျိုးသား အောင်ပွဲနေ့လို့ ခေါ်တာပါဗျာ။
ချိုကုပ်။ ။ အဲဒါက သမိုင်းတို့၊ ခဝဲခြံတို့၊ ကြို့ကုန်းတို့မှာ ကျန်ခဲ့ပြီ ဦးရုက္ခစိုးကြီး။ အခု ကျုပ်ကျင်းပနေတဲ့ အမျိုးသား အောင်ပွဲနေ့က အသစ်။ အမျိုးသားတွေ အောင်ဖို့ ကျင်းပတဲ့ပွဲ။ အမျိုးသမီးတွေ ကျရှုံးမယ့်ပွဲဗျ။ ဒါ ယတြာသဘောလည်း ပါတယ်။
ရုက္ခစိုး။ ။ သြော် ဟုတ်လား။ ချိုကုပ်ဒူးကြီးရဲ့ တိရစ္ဆာန်တွေက စုံလည်းစုံ၊ များလည်း များပဲနော်။
ချိုကုပ်။ ။ အခု လုပ်မယ့် လွှတ်တော်ထဲမှာ ပိုတောင် စုံသေးတယ်။
ရုက္ခစိုး။ ။ ခင်ဗျာ ...။ လွှတ်တော်ထဲမှာ တိရစ္ဆာန်ရုံပါ ဆောက်ထားလို့လား။
ချိုကုပ်။ ။ ဟာ … ဦးရုက္ခစိုးကလည်း … လွှတ်တော်ထဲမှာ ဘယ်လိုလုပ် တိရစ္ဆာန်ရုံ ဆောက်ရမှာလဲ။ ကျုပ်ပြောတာက လွှတ်တော်ထဲမှာ ကြံ့ဖွံ့အမတ်တွေ အစုံတွေ့ရမယ်လို့ ပြောတာ။ ၈၀ ရာခိုင်နှုန်း အနိုင်ယူ ထားတာလေဗျာ … ငှဲငှဲငှဲ။
ရုက္ခစိုး။ ။ သြော် … ကျုပ်က တိရစ္ဆာန်တွေ စုံတယ်လို့ ပြောတာပါ။
ချိုကုပ်။ ။ ဒါလား … ဒါက ကျုပ်ရဲ့နေပြည်တော်ကို အာဖရိက တောတွင်းလို ဖြစ်အောင် လုပ်မလို့လေ။ ဘယ်လောက် ကုန်ကုန် လုပ်ဦးမှာ။
ရုက္ခစိုး။ ။ မြန်မာပြည်နဲ့ အာဖရိက နည်းနည်းများ လှမ်းနေသလားလို့။
ချိုကုပ်။ ။ ဘယ်လောက် လှမ်းလှမ်းဗျာ။ တနေ့တလံ ပုဂံတောင် လေယာဉ်ပျံဖြစ် … အဲ … ပုဂံ ဘာဖြစ်တယ်ဆိုလား … စကားပုံ ရှိတယ်လေ။ အခုဆို ကျုပ်လက်ထက်မှာ ဘောလုံးအသင်းတွေတောင် အာဖရိက ဘောလုံးအသင်းတွေနဲ့ ပုံစံ တူလာပြီ မတွေ့ဘူးလား။
ရုက္ခစိုး။ ။ ဟုတ်ပါတယ်၊ ဟုတ်ပါတယ်။ ကြည့်လိုက်တိုင်း ကွင်းထဲမှာ မည်းမည်း မည်းမည်းနဲ့ … အာဖရိက ဘောလုံးအသင်းတွေ အတိုင်းပဲ။
“ကန်နေတဲ့ မြန်မာဘောလုံး သမားတွေလည်း အာဖရိကက လူတွေလို မည်းခြောက် ပိန်ကပ်နေပြီ” ဟု ဦရုက္ခစိုးက စိတ်ထဲမှ ပြောလိုက်သည်။
ချိုကုပ်။ ။ အဲဒါပေါ့ … ချိုကုပ်ဒူးကြီးကို လျှော့မတွက်လေနဲ့။ အဲဒီတော့ နေပြည်တော်ကို အာဖရိက တောကြီးလို လုပ်မယ် ဆိုတာ ယုံပြီ မဟုတ်လား။
ရုက္ခစိုး။ ။ ဒါဆို တိရစ္ဆာန်တွေ အများကြီး လိုဦးမှာပေါ့နော်။
ချိုကုပ်။ ။ မလိုပါဘူး … နေပြည်တော်မှာ အကုန် ရှိပြီးသားပါ။ အခုဆို ကျစ်ကျစ်လျစ်လျစ် ဖြစ်အောင် ပေါင်းသင့်တာ ပေါင်းပြီး သေသေချာချာ ပြန်လည်ဖွဲ့စည်းဖို့ လုပ်နေပြီ။
ရုက္ခစိုး။ ။ ဟာ … ချိုကုပ်ဒူးကြီး နည်းနည်း လွဲနေပြီထင်တယ်။ ကျုပ်က အာဖရိက တောကြီးလိုဖြစ်ဖို့ တိရစ္ဆာန်တွေ လိုမယ်လို့ ပြောတာနော်။
ချိုကုပ်။ ။ ဟင် ဟုတ်လား။ ကျုပ်က ဝန်ကြီးအဖွဲ့ကို မေးတာမှတ်လို့ … ။ စကားကို သေသေချာချာ ရှင်းရှင်း လင်းလင်း ပြောစမ်းပါဗျာ။ ကျုပ်က ကျုပ်ခေါင်းထဲက အစီအစဉ်တွေနဲ့ ရောရော ကုန်တာ။
ရုက္ခစိုး။ ။ ဒါနဲ့ … အခု အသစ်တက်မယ့် အစိုးရကို ဘယ်လိုများ နာမည်စဉ်းစားထားလဲ။
ချိုကုပ်။ ။ (ချိုကုပ်ဒူးကြီးက အဝေးသို့ ငေးကြည့်ရင်း ပြုံးကာ) နာမည်လား … ဒေး ဆာဖာရီ လို့ ပေးထားတယ်။ ဘယ်လို သဘောရလဲ။ မိုက်တယ် မဟုတ်လား။
ရုက္ခစိုး။ ။ ဒေးဆာဖာရီ … ဟုတ်လား။ အင်း လုံးဝ အသစ်ပဲ။ ကျုပ်တော့ တခါမှကို မကြားဖူးဘူး။
ချိုကုပ်။ ။ ဟာ တော်တော်ညံ့တဲ့ ဦးရုက္ခစိုးကြီးပဲ။ ချင်းမိုင်က လာတယ်လည်း ပြောသေးတယ်။ ချင်းမိုင်မှာ နိုက် ဆာဖာရီ ရှိတယ်လေ။ အဲဒါမျိုးပဲပေါ့။
ရုက္ခစိုး။ ။ အဲဒါက တိရစ္ဆာန်ရုံကြီးပဲဟာ။
ချိုကုပ်။ ။ အင်းလေ … ကျုပ်ကလည်း အသစ် တိုးချဲ့မယ့် တိရစ္ဆာန်ရုံကို ပြောတာပဲဟာ။
ရုက္ခစိုး။ ။ ရှုပ်ကုန်ပြီ … ကျုပ်မေးတာက နောက်တက်မယ့် အစိုးရသစ် နာမည်ဗျ။
ချိုကုပ်။ ။ သြော် … ရှင်းရှင်းမေးတာ မဟုတ်ဘူး။ အဲဒါက မစဉ်းစားရသေးဘူးဗျ။ နာမည် လှလှလေး တခုခုတော့ ပေးမှာပါ။
ထိုစဉ် သူတို့နားသို့ ထိပ်ပြောင်ပြောင်နှင့် လူတဦး အမောတကော ရောက်ရှိလာသည်။ ထိုသူက “ချိုကုပ်ဒူးကြီး၊ ချိုကုပ်ဒူးကြီး … လုပ်ပါဦး … ကိုယ်ကျိုးတော့ နည်းပါပြီ” ဟု ငိုကြီးချက်မနှင့် ပြောလိုက်သည်။
ချိုကုပ်။ ။ သိန်းဂိန်ပါလား။ ဘယ်လို ဖြစ်လာတာလဲ။
သိန်းဂိန်။ ။ အောင်မလေး ကိုယ်ကျိုးနည်းပါပေါ့လား ချိုကုပ်ဒူးကြီးရဲ့။ ချိုကုပ်ဒူးကြီး ကြည့်ခိုင်းလို့ သွားကြည့်တာ … အခုတော့ လွတ်ကုန်ပြီ။
ချိုကုပ်။ ။ စကားကလည်း အရင်းမရှိ၊ အဖျားမရှိ၊ ဘာလဲဟ။ ဘာလွတ်တာလဲ။ ဘယ်သူလွတ်တာလဲ။
သိန်းဂိန်။ ။ ချိုကုပ်ဒူး မောင်ကွေးလေ။
ချိုကုပ်။ ။ သြော် … မောင်ကွေး လွတ်တာများ အဆန်းလုပ်လို့။ သောက်တာ များသွားလို့ နေမှာပေါ့။ သူ့မိန်းမကို ကော်ဖီကြမ်းတခွက် ဖျော်တိုက်ခိုင်းလိုက်။
သိန်းဂိန်။ ။ လွတ်တာက မောင်ကွေး မဟုတ်ဘူးဗျ။ မောင်ကွေးက မူးပြီး လွှတ်လိုက်လို့ ကြံ့ ၂ ကောင် လွတ်သွားတာ။
ချိုကုပ်။ ။ ဘာ … ဘာပြောတယ်။
သိန်းဂိန်။ ။ အာဖရိကက မနေ့ကမှ ရောက်လာတဲ့ ကြံ့ဖြူ ၂ ကောင် နေပြည်တော် တောထဲ ဝင်ပြေးသွားပြီ ချိုကုပ်ဒူးကြီး။ အဟီး … အီး … ကျနော်မျိုးကြီး သေသင့်ပါတယ်။
ချိုကုပ်။ ။ ခွေးခေါင်း ဓားစက် အသင့်ပြင်စမ်း … အာ … ယောင်လို့။ ဘာလို့ သေရမှာလဲ။ သေစရာမလိုဘူး။ မောင်မင်း … သေဖို့ မလိုသေးဘူး။ နောက်တက်မယ့် အစိုးရအဖွဲ့မှာ ခေါင်းရှောင်လုပ်ရဦးမှာ။
ချိုကုပ်ဒူးကြီးက သူ၏ တွန့်လိမ် ရှုံ့တွနေသော မျက်နှာကြီးကို မြင်မကောင်းရှုမကောင်းအောင် ပြုံး လိုက်သည်။ ဝန်ကြီးချုပ် ဦးသိန်းဂိန်ကတော့ ချိုကုပ်ဒူးကြီး ဘာကို ဆိုလိုမှန်းမသိသည့်အတွက် ကြောင်တက်တက် ဖြစ်နေသည်။
ချိုကုပ်။ ။ အဲဒါပဲ ဦးရုက္ခစိုးရဲ့ … ချိုကုပ်ဒူးကြီးကို လျှော့မတွက်နဲ့ ဆိုတာ အဲသဟာပြောတာ။ အခု ကြံ့ ၂ ကောင် လွတ်သွားတာ အရမ်းကောင်းတဲ့ နိမိတ်ပဲဗျ။
ရုက္ခစိုး။ ။ ဟုတ်လား … ဘယ်လိုကောင်းတာလဲ။ လုပ်ပါဦး။
ချိုကုပ်။ ။ ဘယ်လို ကောင်းသလဲ ဆိုတော့ကာ ... ဒါ ယတြာကျေတဲ့ သဘောဗျ။ ဒီ ကြံ့တွေသာ မလွတ်ရင် ကျုပ်ရဲ့ ကြံ့တွေ လွတ်ကုန်မှာလေ။ ရှင်းရှင်းပြောရရင် သိန်းဂိန်တို့လို ကြံ့ဖွံ့ပါတီ ခေါင်းဆောင်တွေ ရူးကုန်မယ်လို့ ပြောတာ။ အခု ဒီ ကြံ့ ၂ ကောင်က လွတ်သွားပြီဆိုတော့ ယတြာကျေသွားပြီ။ အရမ်းကောင်းတယ်။ ကဲ သိန်းဂိန်။ ကြံ့တွေကို လွှတ်ပေးလိုက်တဲ့ မောင်ကွေးကို ဘလူးလေဘယ်လ် တလုံး အမြန်ဆုံးဆုချစမ်း။
“ဟုတ်ကဲ့” ဟု ပြောကာ … ဦးသိန်ဂိန် ကုတ်ချောင်းချောင်းဖြင့် လစ်သွားသည်။
ရုက္ခစိုး။ ။ ဟုတ်ပြီ ချိုကုပ်ဒူးကြီး။ ချိုကုပ်ဒူးကြီးရဲ့ အစိုးရသစ်အတွက် နာမည်သစ်တခု ကျုပ် စဉ်းစားလို့ရပြီ။
ချိုကုပ်။ ။ ဟုတ်လား … ပြောပါဦး။
ရုက္ခစိုး။ ။ ကြံ့လွတ် အစိုးရလို့သာ ပေးလိုက်။
ချိုကုပ်။ ။ ဟာ ကောင်းလိုက်တဲ့နာမည်။ ကြံ့လွတ် အစိုးရ … ကြံ့လွတ်အစိုးရ။
ဦးရုက္ခစိုးပေးသည့် နာမည်ကို သဘောကျလွန်းသဖြင့် ချိုကုပ်ဒူးကြီးက တတွတ်တွတ် ရွတ်ကြည့်နေသည်။ ဦးရုက္ခစိုးကတော့ ထိုသတင်းကို ဖိုးရှုပ်နှင့် ကြွက်စုတ်အား ပြောပြရန် ချိုကုပ်ဒူးကြီး ကျင်းပသော နေပြည်တော် အမျိုးသား အောင်ပွဲ အခမ်းအနားမှနေ၍ ချင်းမိုင်မြို့သို့ အတွင်းတန်ခိုးများသုံးကာ အမြန်ဆုံး ပြန်လာခဲ့ လေတော့သတည်း။ ။
ထွေရာလေးပါး ကဏ္ဍသည် Satire ခေါ် သရော်စာ ကဏ္ဍ ဖြစ်ပါသည်။ သတင်းအချက်အလက် အမှန်များ အပေါ် အခြေခံ ရေးသားထားခြင်း မဟုတ်ပါ။
