စူနာမီ လှိုင်း: ကမ္ဘာကျော် မင်းသမီး မီရှဲလ်ယိုး နှင့် ဒေါ်အောင်ဆန်းစုကြည် တွေ့ဆုံ

ရန်ပိုင် Tuesday, 07 December 2010 18:33 သတင်း ... ဧရာဝတီ

ကမ္ဘာကျော် ဟောင်ကောင် ရုပ်ရှင်မင်းသမီး မီရှဲလ်ယိုး ယမန်နေ့က ရန်ကုန်မြို့သို့ ရောက်ရှိလာပြီး မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် တွေ့ဆုံခဲ့သည်။အမျိုးသား ဒီမိုကရေစီ အဖွဲ့ချုပ် (NLD) ပါတီ၏ ပြောရေးဆိုခွင့်ရှိသူ ဦးဉာဏ်ဝင်းက“မနက်ကတည်းက ရောက်တာအချိန်အကြာကြီး ဒေါ်စုနဲ့နေတယ်၊ တနေ့လုံးလိုလိုပဲ ညစာစားပြီးမှ ပြန်တယ်”ဟု ပြောသည်။

michelle-yeoh-and-nld-members-aung-san-suu-kyi

ရန်ကုန်လေဆိပ်၌ NLD အဖွဲ့ဝင်များနှင်အတူ တွေ့ရသည့် မီရှဲလ်ယိုး (ဓာတ်ပုံ - AP)

မင်းသမီး မီရှဲလ်ယိုးသည် ထိုင်းနိုင်ငံ ဘန်ကောက်မြို့တွင် မကြာသေးမီကမှ နာမည်ကြီး ပြင်သစ်လူမျိုး ဒါရိုက်တာ Luc Besson ရိုက်ကူးနေသည့် “Divided Heart”ဟု ယာယီ အမည် ပေးထားသော ဒေါ်အောင်ဆန်းစုကြည်၏ ဘ၀ တစိတ် တပိုင်း ကို သရုပ်ဖော် ထားသည့် ရုပ်ရှင် ဇာတ်ကားတွင် ဒေါ်အောင်ဆန်းစုကြည် ဇာတ်ရုပ် နေရာမှ ပါဝင်သရုပ်ဆောင် ထား သည်။ ယင်းဇာတ်ကား မှ ဇာတ်ဝင်ခန်း တချို့ကို ဒေါ်အောင်ဆန်းစုကြည်နှင့် NLD အဖွဲ့ဝင်တချို့အား မီရှဲလ်ယိုးက ပြသခဲ့သည် ဟုလည်း ဦးဉာဏ်ဝင်းက ဆက်လက် ပြောပြသည်။

“ဒေါ်စုနဲ့ အတော်တူတယ်၊ ရိုက်ထားတာ ကောင်းတယ်၊ ဟိုတုန်းက စည်းရုံးရေး ထွက်တာက အစ ပါတယ်”ဟု ၎င်းက ဆိုသည်။နာမည်ကြီး ဂျိမ်းစဘွန်း ဇာတ်ကားဖြစ်သည့် Tomorrow Never Dies နှင့် ၂၀၀၀ ခုနှစ်တွင် ပြသခဲ့သည့် တရုတ်နန်းတွင်း ဇာတ်ကား Crouching Tiger, Hidden Dragon ဇာတ်ကားတို့သည် မီရှဲလ်ယိုး ၏ နာမည်ကြီး ရုပ်ရှင်များဖြစ်သည်။ဒေါ်အောင်ဆန်းစုကြည်၏ ဘ၀တစိတ်တပိုင်းကို ဇာတ်အိမ် တည်ဆောက် ထားသည့် ယခု ရုပ်ရှင်တွင် NLD ပါတီခေါင်းဆောင် ဦးကြည်မောင်နေရာမှ သရုပ်ဆောင်သော ဦးသိန်းဝင်း ကလည်း “ဒေါ်အောင်ဆန်းစုကြည် နိုင်ငံရေးမှာ ပါဝင်ပြီးတဲ့ နောက်ပိုင်း မိသားစု တကွဲတပြား နေရတဲ့ ဘ၀လေးကို အဓိက သရုပ်ဖော် ထားတာပါ”ဟု ဧရာဝတီကို ပြောသည်။

၁၉၈၈ ခုနှစ်က မိခင် ဒေါ်ခင်ကြည် ကျန်းမာရေး ချို့ယွင်းလာသည့်အတွက် ဒေါ်အောင်ဆန်းစုကြည် မြန်မာပြည်သို့ ပြန်လာခဲ့ချိန်မှ ၁၉၉၉ ခုနှစ် အချိန်ခန့် အထိ သရုပ်ဖော်ထားကြောင်းလည်း ဦးသိန်းဝင်းက ဆိုသည်။ပြီးခဲ့သည့် နိုဝင်ဘာလအတွင်းက ဘန်ကောက်မြို့ ရိုက်ကွင်းသို့ ဒေါ်အောင်ဆန်းစုကြည်၏ သားနှစ်ယောက်ဖြစ်သည့် သားကြီး ကိုမြင့်ဆန်းအောင်(ခေါ်) အလက် ဇန္ဒား အဲရစ္စ နှင့် သားငယ် ကိုထိန်လင်း(ခေါ်) ကင်မ် အဲရစ္စ တို့လည်း လာရောက် ကြည့်ရှု ကြောင်း ဦးသိန်းဝင်းက ဆက်လက်ပြောပြသည်။

ယင်းဇာတ်ကားတွင် မြန်မာ့နိုင်ငံရေး လောက၏ နာမည်ကြီးပုဂ္ဂိုလ်များ ဖြစ်သည့် ဗိုလ်ချုပ် အောင်ဆန်း၊ အာဏာရှင် ဗိုလ်ချုပ်ကြီး နေ၀င်း၊ NLDပါတီ ဒု ဥက္ကဌ ဦးတင်ဦး၊ ဦးဝင်းတင်၊ စစ်ထောက်လှမ်းရေး အကြီးအကဲ ဟောင်း ဦးခင်ညွန့်၊ ဗိုလ်ချုပ်မှူးကြီး သန်းရွှေ တို့ လည်းပါဝင်သကဲ့သို့ ဒေါ်အောင်ဆန်းစုကြည်၏ ကချင်ပြည်နယ်၊ ချင်းပြည်နယ် နှင့် ဧရာဝတီတိုင်း ဓနုဖြူမြို့သို့ သွားရောက် သည့် ပါတီခရီးစဉ်များလည်း ပါဝင်သည်။

ယခု ဇာတ်ကားတွင် ပါဝင်သော အဓိက သရုပ်ဆောင်များကို ဘန်ကောက်၊ မဟာချိုင်၊ ချင်းမိုင်၊ မဲဆောက် စသည့် မြို့များရှိ မြန်မာ လူမျိုးများမှ ရွေးချယ်ခဲ့ခြင်းဖြစ်ပြီး လူစုလူဝေးဖြင့် ရိုက်ကူးရသည့် ဇာတ်ဝင်ခန်းများကို ထိုင်းကျောင်းသူ ကျောင်းသားများက သရုပ် ဆောင်ကြောင်း၊ မင်းသမီး မီရှဲလ်ယိုး မှာလည်း ရိုက်ရှင်မရိုက်မီ ၆ လခန့်ကတည်းက ပြင်သစ်ပြည်သို့ သွားရောက်ပြီး မြန်မာ စကား ကို လေ့ကျင့် သင်ကြားရကြောင်း သိရသည်။

ဗိုလ်ချုပ်မှူးကြီး သန်းရွှေ အကြောင်းပါဝင်သည့် ဇာတ်ဝင်ခန်းများတွင် ဂျပန်သံအမတ်ကြီးနှင့် ဗိုလ်ချုပ်မှူးကြီး တွေ့ဆုံခန်း၊ အာဏာ ရှင်ဟောင်း ဦးနေ၀င်း ဗိုလ်ချုပ်မှူးကြီး သန်းရွှေ ကို ခေါ်ယူပြီးဆူသည့် အခန်းတို့ ပါဝင်ကြောင်း ဗိုလ်ချုပ်မှူးကြီး နေရာမှ သရုပ် ဆောင်သည့် ဦးအဂ္ဂက ပြောသည်။“တိုင်းမ် မဂ္ဂဇင်းကို ဦးနေ၀င်းကဖတ်ပြီး ဒီအမျိုးသမီးက နိုဗဲလ်ဆုရလိမ့် ငါထင်တယ်၊ ဒါကြောင့် သတိထား ဆက်ဆံ ဆိုပြီး ပြောတော့ ဗိုလ်ချုပ်မှူးကြီးက ငြိမ်ပြီး နားထောင်နေရတဲ့ အခန်းရိုက်တယ်”ဟု ၎င်းကဆိုသည်။
ဗိုလ်ချုပ်မှူးကြီး သန်းရွှေပါဝင်သည့် ဇာတ်ဝင်ခန်းများမှာ မပြီးပြတ်သေးကြောင်း၊ ပြင်သစ်နိုင်ငံသို့ ဇန်န၀ါရီလတွင် သွားရောက်ရိုက် ကူးရဦးမည် ဖြစ်ကြောင်း ဦးအဂ္ဂက ဆက်လက် ပြောဆိုသည်။