တိုက်တိုက်ဆိုင်ဆိုင် ဤနှစ်မှ အမျိုးသားနေ့နှင့် ရန်ကုန်တက္ကသိုလ်မွေးနေ့တို့ တရက်ထဲ ကျနေသည်။ တက္ကသိုလ်အက်ဥပဒေကို မကျေနပ်၍ ကန့်ကွက်သည့်နေ့နှင့် အက်ဥပဒေအာဏာတည်သည့်နေ့ ဖြစ်တော့သည်။ မဖွင့်ခင်က သပိတ်နှင့် ကြုံရသော တက္ကသိုလ်သစ်သည် မူလက ဒီဇင်ဘာ ၇ ၁၉၂၀ တွင် ဖွင့်ရန် ပြင်ထားသည် ဆိုသော်လည်း တကယ်တမ်း ဖွင့်ဖြစ်သလား ဆိုသည်ကိုတော့ သေချာမတွေ့မိသေးပါ။ ရန်ကုန်တက္ကသိုလ် သမိုင်းကို လေ့လာသူတို့အဖို့ သပိတ်မှောက်သည့် ၁၂၈၂ တန်ဆောင်မုန်းလပြည့်ကျော် ၁၀ ရက် (၁၉၂၀ ဒီဇင်ဘာ ၅ ) ကသာ ပို အခရာကျပေ၏။
နေရှင်နယ်ဒေးအမှတ်တရ ဒဂုန်မဂ္ဂဇင်းမျက်နှာဖုံး (၁၉၂၂၊ နိုဝင်ဘာ)
သို့ကြောင့် တော်စိန်ခိုစသည့် ရန်ကုန်ကောလိပ်ထွက် ပညာရှင် အရာရှိကြီးများဦးဆောင်ပီး တက္ကသိုလ်အဆင့် တိုးမြှင့်ပေးရန် တောင်းဆိုလာကြသည်။ နောက် ဝိုင်အမ်ဘီအေကဲ့သို့ ဘာသာရေး လူမှုရေးအသင်းများ၏ သြဇာကြီးလာသည့်အခါ ထိုကိစ္စက ရှေ့တန်းရောက်လာသည်။ ၁၉၁၀ ကျော်တွင် ပေါ်ထွက်လာသည့် မြန်မာစာနယ်ဇင်းများကလည်း သိပ္ပံ ဝိဇ္ဇာပညာရပ်သစ်များကို အထူးတလည်ဦးစားပေး ဖော်ပြလာကြသည်။
| ရန်ကုန်တက္ကသိုလ် နှစ် ၉၀ |
သုံးဆယ်လို မြို့ငယ်မှပင် သိပ္ပံဘန်တိုက်ကြီးဟု မဂ္ဂဇင်းတစောင်ကို အမျိုးသမီးအယ်ဒီတာက ကြီးမှူးပီး ထုတ်ဝေနေလေပြီ။ ပထမကမ္ဘာစစ်တွင်း ကိုလိုနီများ၏ ထောက်ခံမှုအထူးလိုသည့် ဗြိတိသျှတို့အနေနှင့်လည်း အုပ်ချုပ်ရေး ပညာရေးစသည်တို့ကို မြှင့်တင်ပေးရန် စေ့စပ်လိုက်လျောခြင်းဖြင့် ချွေးသိပ်ချင်နေသည်။ ဓာတ်ခိုက်နှင့် နတ်ကြိုက်ကြုံကာ တက္ကသိုလ်အဆင့် (ထိုခေတ်အခေါ် ယူနီဗာစီတီသိပ္ပံ) တိုးမြှင့်ခံရသော်လည်း မြန်မာတို့ လိုလားသကဲ့သို့ လူများများ လက်ခံသင်ကြားပေးမည့် လူထုတက္ကသိုလ်မျိုး ဖြစ်မလာပဲ အောက်စဖို့ဒ်ကဲ့သို့ လူ့မလိုင်ခဲပညာထိပ်သီးများ “လှောင်မွေး”ဖို့သာ ရည်ရွယ်မှန်းထင်ရှားလာ၍ ကျောင်းသားများ၏ ဘွိုင်းကော့လုပ်မှုကို ခံရပေတော့သည်။
ရွေးကောက်ခံ ပူးတွဲအုပ်ချုပ်ရေးပင် မပေါ်သေးဘဲ ကိုယ်ပိုင်အုပ်ချုပ်ရေးတောင်းသည်သာ အမြင့်ဆုံး နိုင်ငံရေးမျှော်မှန်းချက်ဖြစ်သေးသော၊ အထက်မြန်မာပြည်တွင် အနှစ် ၂၀ ကျော် ၃၀ အတွင်းက တိုင်းရင်းသားများကို လက်နက်ဖြင့် ရက်ရက်စက်စက်ချေမှုန်းခဲ့သည့် နေမဝင်လက်နက်နိုင်ငံဝင် ဗျူရိုကရက်ကြီးစိုးသည့် မြန်မာပြည်၌ ထိုသို့ အာဏာပိုင်အစိုးရကို ဆန့်ကျင်ဆန္ဒပြဝံ့သည်မှာ
| လူထုတက္ကသိုလ်မျိုး ဖြစ်မလာပဲ အောက်စဖို့ဒ်ကဲ့သို့ လူ့မလိုင်ခဲပညာထိပ်သီးများ “လှောင်မွေး”ဖို့သာ ရည်ရွယ်မှန်းထင်ရှားလာ၍ ကျောင်းသားများ၏ ဘွိုင်းကော့လုပ်မှုကို ခံရပေတော့သည်။ |
အလွန့်လူစွမ်းကောင်းဟု ဆိုသင့်ပေသည်။ ပထမဆုံး နိုင်ငံနှင့်ချီသည့် လက်နက်မပါသော အုံကြွမှုလည်း ဖြစ်သည်။ ဘေပုရှိန် အင်္ဂလန်သွား အရေးဆိုမှုနောက် နိုင်ငံရေး သန္ဓေရင့်မာကာ ဖွားခါစ ဂျီစီဘီအေအသင်းချုပ်ကြီးနှင့် မြန်မာငွေရှင်လူရည်တတ်များကလည်း ပညာရေးတိုးတက်မှုကို ထောက်မအားပေးလိုရကား သပိတ်နောက်ဆက်တွဲ အမျိုးသားပညာရေးကောင်စီနှင့် ကျောင်းများ၊ အမျိုးသားကောလိပ်တို့ပင် ပွင့်ဖူးလာတော့သည်။
အမျိုးသားပညာရေးကို ဦးစီးသည့် ဘူဇွာလူရည်တတ်များ ကျောင်းသားကြီးများမှာ ပထမသပိတ်ကို အောင်မြင်စွာ ကမကထပြုခဲ့သော်ငြား နိုင်ငံရေးအားဖြင့် ရဲရဲတောက်များ မဟုတ်လှ။ အမျိုးသားပညာရေးကောင်စီ ဥက္ကဋ္ဌ အမ်အေဦးမောင်ကြီးမှာ မကြာမီပင် အုပ်ချုပ်ရေးသစ်အောက်တွင် ပညာရေး ကျန်းမာရေး ဆောက်လုပ်ရေးဌာနများကိုင်ရသည့် ၂၁ ဦးပါတီမှ ဝန်ကြီးချုပ်ရာထူးတနေရာ ယူသွားသည်။ သို့သော်လည်း တက္ကသိုလ်ဥပဒေပြင်ဆင်လျှော့ပေါ့လာအောင် အမျိုးသားကျောင်းများ အထောက်အပံ့ရအောင် ကူမခဲ့ပေသည်။ မြန်မာလူငယ်များ စစ်ပညာအခြေခံလေ့ကျင့်ရေးအတွက် အစောဆုံးစဖွဲ့ခဲ့သည့် ရဲတပ် ဗိုလ်ချုပ်၊ ဦးအောင်ဇေယျရှိသေးရင် ဓမြလောက်ဖြစ်မှာပဲ ပြောမိ၍ ဆရာမှိုင်း အငေါက်ခံရဘူးသည့် ထိုအမ်အေဦးမောင်ကြီးမှာ အထက်လွှတ်တော်ဥက္ကဋ္ဌမှသည် ဆာဘွဲ့ခံ ပထမဆုံး မြန်မာထဲက ဘုရင်ခံ၏ ကာကွယ်ရေး အပိုအတိုင်ပင်ခံရာထူးထိပင် တိုးမြင့်ကြီးပွားသွားသေးသည်။ သို့သော်
ဘိလပ်တွင် စက်ဆရာကြီးအတတ် အောင်မြင်သူကို ချီးမွမ်းသည့် မြန်မာ့အလင်းမဂ္ဂဇင်းဆောင်းပါး (၁၉၁၄၊ သြဂုတ်)
မိတ္ထီလာအမျိုးသားကျောင်းအုပ်ကြီး ဦးဘရင်ကဲ့သို့ ဂဠုန်ဦးစောအစိုးရ သာသနာရေးဝန်ကြီးဖြစ်ခဲ့သူ ရှိသလို တောင်ငူကျောင်းအုပ်ကြီး ဗိုလ်မှူးဖိုးကွန်းကဲ့သို့ ဝန်ကြီးဘဝ လွတ်လပ်ရေးမှ ရဲဘော်ဖြူတောခိုရာ လိုက်သွားသည့် ခေါင်းဆောင်မျိုး၊ တော်လှန်ရေးကောင်စီခေတ် ဆိုဗီယက်သံအမတ်ကြီးဖြစ်လာသူလည်း ရှိသည်။မန္တလေးကျောင်းအုပ်ကြီး မန္တလေးတက္ကသိုလ်ကျေးဇူးရှင် အာဇာနည် ဝန်ကြီးမစ္စတာရာဇတ်၊ ဖဆပလ လွှတ်တော်ဥက္ကဋ္ဌဘဝနှင့် ဆုံးသည့် ပျော်ဘွယ်ကျောင်းအုပ်ကြီးဦးမြ၊ ဦးနု အတွင်းဝန်ဘဝမှ ကုလအတွင်းဝန်ချုပ်ဖြစ်သွားသည့် ပန်းတနော်ကျောင်းအုပ်ကြီး ဦးသန့်၊ ပဲခူးကျောင်းအုပ်ကြီးဘဝမှ ပမညတလူကြီး နောက် မဆလနိုင်ငံတော်ကောင်စီဝင်ဖြစ်သွားသည့် ဆရာကြီးဦးသာဒင် စသဖြင့်
| လာအုံးမည့် လူမှုစီးပွားနှင့် နိုင်ငံရေး အလှည့်အပြောင်းများတွင် ပညာရေးအတွက် ဘယ်အထိ ပြင်ဆင်ထားရမည်ကို ၈၈ အလွန် မြန်မာ့နိုင်ငံရေးလောကက ဆုံးဖြတ်ရပါတော့မည်။ |
နိုင်ငံရေးအသွေးစုံ ဘဝစုံလှသည်။ မူလသပိတ်မှောက် ၁၁ ဦးကော်မတီဝင်မှ နိုင်ငံတော်ကောင်စီဝင်ဖြစ်သည့် ဦးအောင်ဒင်၊ နောက်တိုးကော်မတီထဲက အာဇာနည်သခင်မြ၊ ဖဆပလမှ ဦးနုကို ဆန့်ကျင်ထွက်လာရဲသည့် ၁၉၆၂ အာဏာသိမ်းချိန်တွင် ဒီမိုကရေစီကျဆုံးရသည့်သဘောကို စာတအုပ်ထုတ်ခဲ့သည့် တော်လှန်ရေးခေတ် ရာထူးဝန် သတင်းစာဆရာ ဝန်ကြီးဦးထွန်းဖေ၊ ကျောင်းသားများ နိုင်ငံရေးမလုပ်သင့်ကြောင်း အသံလွှင့်ဟောပြောသည့် အမျိုးသားပညာဝန် ဦးဖိုးကျား၊ ဦးဖိုးကျား၏ မြို့အုပ်မင်းဝတ္ထုဇာတ်ဆောင် အတွင်းဝန် မြန်မာစာပညာရှိ ဦးဖိုးလတ်၊ စစ်ပီးစ အင်္ဂလိပ်အစိုးရ ပြန်ကြားရေးအရာရှိအဖြစ် ရွှေမန်းအောင်စည်သတင်းစာထုတ်ခဲ့သည့် မြန်မာစာကထိက ကျောက်စာဝန် ဦးလူဖေဝင်း စသည်ဖြင့် ဘဝအစုံစုံကို တွေ့ရသည်။ အမျိုးသားကောလိပ်ပရိုဖက်ဆာ ဆရာလွန်းနှင့် ဒီးဒုတ်ဦးဘချိုတို့ နိုင်ငံရေးကဏ္ဍကိုတော့ ထပ်ညွှန်းရန် မလိုပီ။
ကိုလိုနီအစိုးရ အထောက်အပံ့ခံတက္ကသိုလ်တွင် ထမ်းဆောင်နေသော ဒေါက်တာထင်အောင်၊ ဦးအေးမောင်ကဲ့သို့ မြန်မာဆရာများ၊ ဝတ်လုံဦးပု၊ ဦးကျော်မြင့်စသည့် ဒိုင်အာခီလွှတ်တော်တွင်းက မင်းတိုင်ပင်အမတ်များ၊ ဆာဘိုးသာ၊ ဆာဦးသွင်တို့ကဲ့သို့ သူဌေးများ၊ ရန်ကုန်တက္ကသိုလ် ပညာရေးဌာနအောက်မရောက်မီ နောက်ဆုံးအဓိပတိဖြစ်သည့် ငွေစာရင်းမင်းကြီး ဦးစံလွင်ကဲ့သို့ အစိုးရပဋိညာဉ်ခံ အရာရှိကြီးများမှာ အမျိုးသားပညာရေးနှင့် တစိမ်းပြင်ပြင်နေကြသူများ မဟုတ်ပါ။
၁၉၃၀ကျော်က တက္ကသိုလ်ဘွဲ့နှင်းချိန် (http://www.life.com/)
| မြန်မာဘာသာဖြင့် စက်မှုလက်မှုသက်မွေးပညာများ သင်ကြားမည့် အမျိုးသားတက္ကသိုလ်ကို ဆာဦးသွင် ဥက္ကဋ္ဌမူပီး မြို့မမြို့ဖများ၊ ကိုအောင်ဆန်း၊ ကိုဗဟိန်းစသည့် သပိတ်မှောက်ခေါင်းဆောင်များ ဝိုင်းဝန်းတည်ထောင်ခဲ့ကြသည်။ |
သံအမတ်ကြီးဦးသက်ထွန်းရေးဘူးသကဲ့သို့ ၁၉၂၀-၄၀ အတွင်း ပညာသင်တတ်မြောက်သည့် မြန်မာလူငယ်မျိုးဆက်မှာ တိုင်းပြည်၏ လွတ်လပ်ရေးကို အရဆောင်ကြဉ်းသူများလည်း ဖြစ်သည်။ ၁၈၈၀၊ ၁၉၀၀ ကျော်များက အစောပိုင်း ပညာတတ်များနှင့် အရေအတွက်ကော အရည်အသွေးနှင့် နိုင်ငံရေး လူမှုစီးပွားရေးဘဝများပါ ကွာခြားကြသည်။ ဝတ်လုံ၊ စစ်ကဲဝန်ထောက်၊ စက်ရှင်မင်းကြီးစသူတို့ အားကြီးသည့် နိုင်ငံရေးခေတ်မထခင်က မြန်မာပညာတတ်လူတန်းစားမှာ အုပ်စိုးသူနိုင်ငံခြားသားနှင့် အလွမ်းသင့်အောင်နေကာ အခွင့်ထူးခံ သြဇာထူထောင်သည့်နိုင်ငံရေး၌ လိမ္မာသည်။ ပြုပြင်ရေး ခေတ်မီပြောင်းလဲရေး တောင်းဆိုနေပီဖြစ်သော်ငြား ဝိုင်အမ်ဘီအေကွန်ဖရင့်များတွင်ပင် ဗြိတိသျှဘုရင်နှင့် ဘုရင်မအတွက် ဆုတောင်းပတ္တနာပြုကာ အစည်းအဝေးဖွင့်ရတုန်းဖြစ်သည်။ မြန်မာစာ မြန်မာမှုထက် အနောက်တိုင်းအလေ့၌ ပိုကျွမ်းကျင်ကြသည်။ ဦးရွှေဇံအောင်မှအပ အခြားအင်္ဂလိပ်ပညာတတ် တိုင်းရင်းသားများ မြန်မာစာပေရေးသားမှုဟု မရှိခဲ့လှ။ အင်္ဂလိပ်စာဖြင့် ကျမ်းပြုပညာရှင်ဟုလည်း ဦးမေအောင်၊ ဦးဖေမောင်တင်၊ ဒေါက်တာဘဟန်စသူတို့လောက်သာ ပေါ်ထွန်းသေးသည်။
မြို့မတိုင်းရင်းသားကျောင်းကပွဲတွင် ပါဝင်ကူညီသော တက္ကသိုလ် ကိန္နရီယိမ်း (ရန်ကုန်တက္ကသိုလ်ကျောင်းတိုက်မဂ္ဂဇင်းမှ)
| အုပ်စိုးသူအသစ်တို့ ပညာရေးလောကသစ် တည်ဆောက်ချိန်တွင် အမျိုးသားကျောင်းများ အိုပယ် ဖြစ်သွားတော့သည်။ |
ဖဆပလခေတ်နှင့် မဆလခေတ်ဦးထိ ရန်ကုန်မြို့မကျောင်းနှင့် မန္တလေးနေရှင်နယ်ကျောင်းထွက် နိုင်ငံရေးသမားများ၊ စစ်ဗိုလ်ကြီးများ၊ စာရေးဆရာပညာရှင်များ တိုင်းပြည်တွင် ကြီးစိုးကာ လက်ဝဲမျိုးချစ်ဝါဒအတွက် ပြည်တွင်းစစ်နှင့် ဆိုရှယ်လစ်ခေတ်ပြောင်းတော်လှန်ရေးကိုလည်း ဆင်နွှဲခဲ့သေး၏။ ဦးနု၊ ဗိုလ်လက်ျာ၊ ဗိုလ်ဇေယျ၊ ဗိုလ်မင်းဂေါင်၊ ဇော်ဂျီ၊ ဗိုလ်ခင်မောင်ကလေးနှင့် ညီ ဗိုလ်မှူးကြီးခင်ညို၊ အမ်အေဒေါ်အုန်း၊ လူထုဒေါ်အမာ စသဖြင့်။ သို့သော် ထိုနေရှယ်နယ်မျိုးဆက်ကောင်းစားချိန်တွင် သူတို့သားသမီးများကို အမျိုးသားကျောင်း မပို့တော့ပါ။ ဦးရာဇတ်ကတော် ဒေါ်ခင်ခင်ကဲ့သို့ သစ္စာသိသူမျိုးက တယ်မများလှပေ။ ဦးနု၊ ဗိုလ်ချုပ်အောင်ဆန်း၊ ဗိုလ်ချုပ်ကြီးနေဝင်းမှ အစ ခေါင်းဆောင်အများစု သားသမီးများမှာ ခရစ်ယာန်သာသနာပြုကျောင်းများသို့သာ သွားကြသည်။ နေရှင်နယ်ကျောင်းအများစု အစိုးရပညာရေးစနစ်အောက် ဝင်သွားကြသည်က များသလို ရှေးကလို အမျိုးသားရေးလက္ခဏာ ပြယုဂ်ကြီးလည်းမဟုတ်တော့။ လွတ်လပ်ရေးနေ့၊ ပြည်ထောင်စုနေ့၊ အာဇာနည်နေ့၊ တော်လှန်ရေးနေ့ စသည့် နေ့ထူးအသစ်တွေ ပေါ်လာသောခေတ်တွင် အမျိုးသားအောင်ပွဲနေ့ မှိန်သွားသလို လူထုပညာရေး၊ စာပေဗိမာန်၊ ပြည်တော်သာကျောင်းများ၊ တက္ကသိုလ်ကောလိပ်သစ်များနှင့် စနစ်သစ်ပညာရေး စသည့် အုပ်စိုးသူအသစ်တို့ ပညာရေးလောကသစ်တည်ဆောက်ချိန်တွင် အမျိုးသားကျောင်းများ အိုပယ် ဖြစ်သွားတော့သည်။ ဖဆပလခေတ်တလျှောက် လိုတောင်းကော်မတီများ၊ ပညာရေးနှီးနှောဖလှယ်ပွဲနှင့် ကျောင်းသားလှုပ်ရှားမှု ကွဲပြဲမှုများဖြင့် တက်ကြွနေခဲ့သော ပညာရေးပြုပြင်ရေးလှိုင်းမှာလည်း ဆဲဗင်းဂျူလိုင်အရေးအခင်းမှစကာ ပညာရေးနိုင်ငံရေးဖိနှိပ်သတ်ဖြတ်မှုခုခံရေး ခံစစ်အနေအထားပြောင်းသွားခဲ့သည်။
လွတ်လပ်ပီးခေတ် တက္ကသိုလ်ဘွဲ့နှင်းသဘင်
မည်သို့ဆိုစေ မန္တလေး စိုက်ပျိုးရေးနှင့် ဥပစာကောလိပ်များ၊ ရန်ကုန်ဆေးကောလိပ်၊ ဘီအိုစီ အင်ဂျင်နီယာကောလိပ်၊ တီတီစီ ဆရာဖြစ်သင်ကောလိပ်၊ ပါမောက္ခဆာအဂ္ဂါ၏ ဥပဒေပညာဌာန၊ လုစ်၏ အရှေ့ဖျားသမိုင်းဌာန၊ ပါမောက္ခရုဒ်နှင့် ဆရာထင်အောင်တို့၏ အင်္ဂလိပ်စာဌာန၊ အသစ်တိုးချဲ့ထားသည့် သိပ္ပံဌာနများစသည့် ပညာတန်ဆောင်များဖြင့် ကာလကတ္တားမှ ဟောင်ကောင် မနီလာကြားတွင် အကောင်းဆုံးတက္ကသိုလ်တခုကို အနှစ် ၂၀ တွင်း ထူထောင်နိုင်ခဲ့သည်ကတော့ အမှန်ပါပေ။ အများလူထုကြီးကို ထိုပညာရေး၏ အာနိသင်က မည်မျှသက်ရောက်ခဲ့သည်၊ တိုင်းပြည်၏ နိုင်ငံရေးယဉ်ကျေးမှုတွင် ပညာခန်းက ဘယ်အထိစကားပြောသည်ဆိုသည်ကတော့ ဆက်စဉ်းစားစရာဖြစ်ပါသည်။ လာအုံးမည့် လူမှုစီးပွားနှင့် နိုင်ငံရေး အလှည့်အပြောင်းများတွင် ပညာရေးအတွက် ဘယ်အထိ ပြင်ဆင်ထားရမည်ကို ၈၈ အလွန် မြန်မာ့နိုင်ငံရေးလောကက ဆုံးဖြတ်ရပါတော့မည်။ တည်ဆဲအာဏာပိုင်များကတော့ မထောက်မညှာ မီးတိုက်ခဲ့ကြပီ။ တိုင်းပြည်တွင် တောရမ်းပယ်ဘွဲ့ဖြင့် ရွာတွင်ကျယ်လုပ်နေသော ပညာရမ်းကုများ လောကဝိဓူအပ်ပုန်းများဖြင့် ကြက်ဆူတောထလျက်ရှိပီ။ သို့ကြောင့် ပညာစစ်ပညာမှန်များ ပြန်လည်စည်ပင်ထွန်းကားရေးတွင် ပညာတတ်ဆိုသူများ ဓနရှင်များ အမျိုးသားပညာရေးကောင်စီလူကြီးများထားခဲ့သည့် စေတနာထက်မလျော့သော ထောက်ပံ့ခြင်းဖြင့် လောကစရိယကို ပြုနိုင်ကြပါစေ။ မန္တလေး ကျောင်းတိုက်ကြီးများ ဘိုးတော်ဘုရားခေတ်မှ အနှစ် ၂၀၀ တိုင်တိုင် အခြေမပျက်ကြီးပွားအောင် ကြံဆောင်နိုင်သလို လောကီပညာရေးတွင်လည်း ဝိုင်းဝန်းကြပါကုန်။ လူသစ်တည်၍ ပြည်သစ်ဆောက်ကြပါစို့။
( “ မင်း Facebook မှာ တင်ပေးနေတာတွေဟာ လူငယ်တွေသိဖို့ကောင်းတာတွေ အများကြီးပါတယ်”ဟု အားပေးခဲ့သော ဆရာကြီးဦးဘလွင်သား ပါမောက္ခဒေါက်တာရန်နိုင်လွင်၊ အနောက်အီလီနွိုင်းတက္ကသိုလ်သို့။ ဆရာရန်နိုင်လွင်နှင့် ပါမောက္ခဆရာစောထွန်းတို့ ကူညီမှုနှင့် အမေရိကတွင် ဘွဲ့လွန်သင်ကြားခွင့်ရသော မြန်မာလူငယ်များ အတော်များနေပီဖြစ်သည်။)
